Till startsidan

Glasibe avriphuvjatar

Sarine soj avri e phuvjatar ko odova vreme keda glasinela pe šaj te glasinen ko avrunephujakere vlastija kola so organizirinena o lejbe o glasibe.

Glasibe ko avrunephuvjakere vlastija

E Biribaskoro vlasti odlučinela, palo predlog taro Avrunephuvjengoro ministeriumi, save švedikane avrunephuvjakere vlastija šaj te len o glasija. O glasibe lela te ovel 24 sahatija angleder e biribaskoro dive hem i phravdo ko disave thana samo jek kratko vreme. O glasibe mora te čhinavel pe but ko vreme angleder o biribe kaj te šaj odola glasija te resen ko Biribaskoro vlasti najkasno jek dive angleder o biribe. Sa o glasija taro  avrunephuvjakere vlastija bičhalena pe ko Biribaskoro vlasti kova so sortirinela olen hem bičhalela olen ponodori ki respektivno biribaskiri komisija.

Poštaja glasibe avriphuvjatar

Okolen so isi pravo glasibaske hem i avriphuvjatar, ola šaj te glasinen poštaja tari bilo savi phuv. O manuša so kerena buti ko brodija (panidžalija) hem soj ko avrunephuvja ola da šaj te glasinen poštaja. E poštaja glasibe trebela te ovel bičhldo najrano 45 divesa angleder e biribaskoro dive. E poštaja glasibe na tromala te ovel bičhaldo trai Švedija.

Trebela te ovel specijalno matrijali kaj te šaj te glasinel pe poštaja. Odova matrijali poručinela pe taro Biribaskoro vlasti ja pale taro disavo avrunephuvjakoro vlasti. E Poštaja glasibe ka ovel bičhaldo avri e phuvjatar hem trebela te avel ko vreme bašo glasengoro genjibe.