Till startsidan

Te glasinel pe angleder

E Biribaskiri komisija odgovorinela hem bašo glasibe angleder ko komune. O lokali kori so šaj o biračija te glasinen angleder vakerela pe glasibaskoro lokali.

E Biribaskiri komisija odgovorinela hem bašo odova te organizirinel o lejbe glasija ko glasibaskere lokalija. Sa e glasibaskere lokalija trebena te oven lokhe khujbaske andre e manušenge so isi olen funkciniribaskoro čhinavibe.

Okola birčija so našti te glasinen ko biribaskoro lokali ko biribaskoro dive, šaj te glasinen angleder ko disavo glasibaskoro lokali ko bilo savo than ki phuv. O glasibe angleder lela te ovel 18 dive angleder o biribaskoro dive hem ovela sa dži ko glasibe. Diso so nudinela pe e biračenge i najhari jek glasibaskoro lokali ki sakoja komuna hem ov i phravdo hem ko biribaskoro dive.

Ko disave nasvalengere khera (bolnice) hem javera arakhibaskere thana, i Biribaskiri komisija organizirinela glasibaskere khediba taro okola biračija so mangena te glasinen othe, ko primer pacientija, personali hem javera so avena othe.

Keda glasinela pe angleder tegani o manuša so khedena o glasija lena odova hem bičhalena olen ko specialna kufertija ki Biribaskiri komisija. Okova so glasinela ko glasibaskoro lokali mora te ovel ole/ola glasibaskiri karta hem te sikavel pli lično karta/identifiribaskiri dokumentacija ja pale disar te dokažinel plo identiteti.