Till startsidan

Glasibaskoro pravo Rösträtt

Glasibaskoro pravo bašo parlamenti hem Evropikano parlamenti isi sa e švedikane dizaren (gradžanen) so pherdže 18 berš najkasno ko biribaskoro dive hem kola i ja pale te sine disavo var registririme ki Švedija.

Glasibaskoro pravo bašo Evropikano parlamenti isi hem e dizaren ki disavi Evropikani unijakiri phuv (unijakere dizaren) kas so isi pherde 18 berša najkasno ko biribaskoro dive. Jek preduslov i ola te oven registririme ki Švedija najkasno 30 divesa angleder o biriba hem te oven prijavime ki glasibaskiri lista. Tegani ola na tromana te glasinen ki jek javer unijakiri phuv.

Glasibaskoro pravo baši komuna  hem okružno sovet (landstingsfullmäktige) isi e švedikane dizaren so isi olen pherde 18 berša najkasno ko biribaskoro dive hem kola i registririme ki komuna ko respektivno okrug (landsting). E unijakere dizaren hem e dizaren taro Island hem Norveška isi olen pravo te glasinen isto preduslovencar. E dizaren taro javera phuvja isi olen glasibaskoro pravo tej ola registririme ki phuv trin berša jek palo javer angleder o biribe.

O podatke taro Skatteverketeskoro manušengoro registri i odova so odlučinela kas isi pravo te glasinel hem kori šaj te glasinen. Odova značinela o biračija so bešena ki Švedija računinena pe sar manuša so isi olen pravo bašo biribe ko biribaskoro distrikti kori so i registririme 30 divesa angleder e biribaskoro dive.