Till startsidan

Čhijbe avri e biribaskere listija

Okola partije so lele buteder taro jek procenti taro glasija ko parlamentarikano biribe, e glasengere primačija i odgovorno te čhiven e partiengere biribaskere listija ko sa o thana kori so šaj te glasinel pe.

Odova važinela sar bašo paramentareskoro biribe adžahar bašo komunakoro hem landstingeskoro biribe Odola partie mora jek vreme angleder o biribe te roden korkori te čhiven pe avri e biribaskere listija.

Ko komunakoro hem landstingeskoro biribe okola partie soj reprezentirime isi olen pravo te čhiven e partijakere biribaskere listija ko biribaskere lokalija hem ko glasibaskere lokalija ki komuna ko respektivno landsting. E glasengere lejdžie čhivena hem čuče biribaskere listija bašo sa o biriba ko sa o thana kori so šaj te glasinel pe. O anavencar biribaskere listija mora te oven čhivde taro o partie.

Bašo Evropikano parlamenteskoro biribe odgovorinela i biribaskiri administracija kaj te šaj o biribaskere listija e anavencar te oven čhivde ko sa o thana kori so šaj te glasinel pe, odova kerela pe te isi e partija biribaskere listija jekhe anavea so ka važinel baši sa i phuv hem te isi olen najhari jek procenti glasija taro paluno biribe ko Evropakoro parlamenti. Akala partie mora jek vreme angleder o biribe korkori te roden te čhiven pe e biribaskere listija avri.