Till startsidan

Biribaskere vlastija

O Valmyndigheten odgovorinela te planirinel hem kordirinel o biriba hem narodno palebiriba/referendum ki sa i phuv. O Valmyndigheten kerela razvibaja hem pomožinela e IT-dumodejbaja sa e administracijake.

O Valmyndigheten kerela e glasibaskoro spisako, glasibaskiri karta, glasibaskere listija hem javer biribaskoro matrijali. Palo biribe o Valmyndigheten ulavela o mandatija maškar o partie hem utvrdinela kola parlamentarija hem zamenikija ule birime ko parlamenteskoro biribe hem ko Evropikano parlamenti.

O Länsstyrelsen i jek regionalno biribaskoro vlasti. O Länsstyrelsen odlučinela bašo biribaskere distriktija, odgovorinela bašo palune glasongere računiba ko sa o biriba hem utvrdinela o rezultati ko komunakoro hem landstingesfullmäktige.

O Valnämnden (Biribaskiri komisija) i ki sakoja komuna jek lokalno vlasti. O Valnämnden birinela e manušen so khedena o glasija, dikhela te ovel biribaskere lokalija ki komuna hem isi ole sa o odgovornost bašo glasibe angleder othe. O Valnämnden odgovorinela hem bašo preliminerno računibe o glasija sar ki biribaskiri rat adžahar ki sreda palo biribe. I komuna odgovorinela bašo koštiba keda i ko pučibe khedibe o glasija hem biribaskere lokalija.

O Valprövningsnämnden, odlučinela bašo rešenje so anela pe keda rovena pe. I komisija i kerdi taro efta reprezentantija. O šeralo manuš e komisijakoro trebela te ovel ja pale sine redovno sudija hem našti istovremeno te ovel reprezentanti ko parlamenti. O parlamenti birinela e javere reprezentanten.