Till startsidan

Biribaskiri geografija

E biribaskoro than i odova than so važinela bašo biribe, ko primer jek komuna ja pale jek parlamentikano biribe so važinela sa e phuvjake.

E biribaskoro than i ulavdo ko biribaskere krugija, hem manuš birinela reprezentantija bašo biribaskere krugija. O biribaskere krugija ulavena pe ko ko distriktija jekhe biribaskere lokaleja bašo jek biribaskoro distrikti. Ko jek biribaskoro distrikti khuvena disave objektia a okolen so isi olen glasibaskoro pravo i registririme ko bešibaskoro registri (folkbokföring).

E biribaskoro distrikti nane isto baro, obično othe khuven taro 1000 dži ko 2000 džene so isi olen glasibaskoro pravo. Nane nisavi granica kobor baro ja pale kobor tikno ka ovel jek biribaskoro distrikti. Ko najtikno khuvena jek šel džene glasibaskere pravoja a o najbare i jek 2000 džene.

Bašo sakova biribaskoro distrikti isi biribaskoro lokali. Ko biribaskoro lokali šaj te glasinen o manuša so bešena ko odova than ko biribaskoro dive. O länsstyrelsen odlučinela bašo ulaviba e biribaskere distriktija, a olenge dela pe odola predlogija taro komunakoro godidejbe. Najkasno ko 1 decembar anglo beršeskoro biribe o länstyrelsen trebela te ovel gotovo e ulavibaja.