Till startsidan

Valittaminen

Se joka tykkää ette vääryys elikkä vahinko oon tehty joka oon vaikuttannu vaalituloksheen, saattaa valittaa vaalin tulosta.

Valittamisen pittää lähättää Vaalitarkastuslautakunthaan. Valittamisen pittää kymmenen päivän sisäle jälkhiin ko vaalitulos oon ilmotettu olla tullu sisäle siiheen virasthoon joka oon ottanu päätöksen.

Vaalitarkastuslautakunta saattaa kumota vaalin ja ehottaa uuet vaalit vississä vaalissa elikkä vississä vaalikretsissä jos oon tehty virheitä jokka saattaa uskoa oon vaikuttanheet vaalituloksheen. Jos oikasun virheestä mennee tehhä uuen änniräknäyksen kautta elikkä jonku muun pienemän toimenpion kautta, Vaalitarkastuslautakunta saattaa sen siihaan antaa tehtäväksi virastolle joka otti päätöksen, ette korjata virheen.

Vaalitarkastuslautakunta oon ainua instansi johonka vaalin mennee valittaa. Vaalitarkastuslautakunnan päätöstä ei mene valittaa.