Till startsidan

Vaalijeukrafii

Vaalialue oon se alue jotako vaali koskee, esim. kunta elikkä niinku valtiopäivävaalissa, koko maa.

Vaalialue oon jaettu vaalikretshiin ja se oon vaalikretshiin ko jäseniä valikoithaan. Vaalikretsit taas oon jaettu vaalitistrikthiin, joissako oon yks vaalipaikka vaalitistriktiä kohitti. Vaalitistrikti sisältää joitaki taloja ja se oon niissä taloissa ko äänestysoikeutetut henkilöt oon kirjoila.

Vaalitistriktitten koko vaihtellee mutta ylheensä net sisältävät 1000-2000 henkilöä joilako oon äänestysoikeus. Ei ole olemassa varmaa ali- elikkä yliraijaa siiheen kunka suuret vaalitistriktit saattavat olla. Pieniimissä ei ole ko joku satakunta äänestysoikeutettua ja suuriimissa oon yli 2000.

Joka vaalitistriktile oon vaalipaikka. Vaalipaikassa net jokka asuvat tistriktissä saattavat äänestää vaalipäivänä. Lääninhallitus päättää vaalitistriktitten jaosta kunnanvaltuuston esityksen jälkhiin. Viimisthään 1 joulukuuta vuotta ennen vaalivuotta lääninhallitus pittää päättää jaosta.