Till startsidan

Publicerad: 15 August 2018

Mantaatti

Ette vaalitulos niin likelä ko maholista tullee olheen proportsunelli niin vaalissa valtiopäivile ja maakäräjä- ja kunnanvaltuusthoon oon tasotusmantaattia.

Ensinä jaethaan net fastat mantaatit ja sitten tasotusmantaatit. Parttio joka ei ole saanu fasta mantaattia saattaa kuitenki saaja tasotusmantaattia. Eurooppaparlamenttivaahliin ei ole ko fasta mantaattia.

Viimisthään 30 huhtikuuta vaalivuona Vaalivirasto oon pitäny ottaa päätöksen kunka monta fastaa mantaattia joka valtiopäivävaalitistriktillä pittää olla. Jako perustuu äänestysoikeutetuitten määrästä vaalikretsissä.

Vaalista kunnan- ja maakäräjävaltuusthoon itte kuki kunnan- ja maakäräjävaltuusto päättää kokohnaisesta mantaattimäärästä jotako pittää valikoittea. Lääninhallitus päättää vimisthään 30 huhtikuuta vaalivuona kuna monta fastaa mantaattia joka vaalikretsissä pittää olla.

Koko Ruotti oon yksi vaalikretsi Eurooppaparlamenttivaahliin. Määrä mantaattia jotako joka jäsenmaa saapii riippuu siittä kunka suuri väkiluku oon maassa. Ruottila oon 20 mantaattia Eurooppaparlamentissä.