Till startsidan

Äänestä vaalipäivänä sinun vaalipaikassa

Joka vaalitistriktissä oon vaalipaikka.

Äänestäjät saattavat vaalipäivänä äänestää vaalipaikassa siinä tistriktissä jossako net oon äänestysluettelussa. Äänestyskortissa seisoo mikä se vaalipaikka oon. Vaalipaikat pitävät olla saatavissa henkilöile joilako oon toimintaeste. Jos
yks äänestäjä toimintaestheen takia kuitenkhaan ei pääse vaalipaikale, niin äänivasthaanottaja saattaa noutaa äänen vaalipaikan ulkopuolelta.

Vaalipaikat oon ylheensä auki kl 08.00-20.00 (Eurooppaparlamenttivaalin kl 21.00 asti). Vaalilautakunta
saattaa neuvottelun jälkhiin lääninhallituksen kansa päättää lyhykäisemistä aukioloaijoista.

Vaalilautakunta ittessä kussaki kunnassa päättää mikkä paikat oon kaikhiin sopeviimat. Vaalilautakunta valikoittee sitä paitti vähhiinthään neljä henkilöä olheen äänivasthaanottajat joka vaalipaikassa. Vaalipaikassa häätyy olla vähhiinthään kolme äänivasthaanottaijaa paikan päälä yhtä aikaa ko äänestäjät äänestävät.