Till startsidan

Te alos kana san ande thema

Svako manuš kaj si ande thema dela e vramja kana alon pe šaj źan te alon kaj le themitska raj, khote vo laśaren jekh sala te šaj alos.

Te alos kaj le themitska raj

Valmyndigheten, le alojimaske raj, purončin pala jekh divano khatar Utrikesdepartementet, pa save šveditiska themitska raj kon site avela le bućarne kaj len andre le alojimata. O alojimos lel pe 24 džesa angla o džes te alos aj ferdi si pe uni gora dela jekh skurto vramja. O alojimos mušaj te getol dela jekh laśi vramja angla o aloijamsko džes, te šaj arisel le alojimata angle kaj raj. Sa le alojimata khatar le themitska raj traden les kaj le Valmyndigheten kaj laśaren le hangori vorta aj traden len maj dur kaj svako alojimaski grupa.

Te trades lil pe kaste alos khatar thema

Godola źene kaj si len čačimos te alon aj si ande thema šaj traden lil pe kaste kamen te alon khatar fersavo them. Manuš kaj keren bući po pařaxudo ande thema, vi von šaj traden
lil pe kaste kamen te alon. O lil šaj traden les man cera 45 džes angla o alojimos. O lil naj slobodo te avel tradino khatar Švedo.

Te šaj trades lil te alos trubol specialno materialo. O materialo šaj manges khatar le Valmyndighet vaj khatar jekh themitska raj. O lil kaj tradel o manuš khatar thema aj trubol te arisel pe vramja angla so ginen le alojimata.