Till startsidan

Publicerad: 20 augusti 2018

Kana ginen le alojimata po alojimaski ŕat

Kana getosarde le bućarne po alojimasko džes trubon le bućarne ande godo distrikto te ginen sode manuš alonde.

Angla so len pe te ginen mušaj godola kaj si vorta ramome kaj trade angla e vramja te alon te thon le rama ande alojimaski kista.

Pala godo tho pe te ginen sode manuš alonde. Godo so alonde ginen len aj laśaren len pe svako partia. Kaj alon kaj riksdag, komun- aj regionosko atunči ginen von avri anglunes sode alonde pe riksdag, purme pe komuna aj pe trito than ginen von sode manuš alonde pe regiona.

Kana jekh alojimaski distrikta pe alojimaski ŕat ginen sode manuš alonde thon von andre o resultato kaj Valmyndighetens webb systemo aj keren registratcija po reslutato. Gaday dikhel o Valmyndighet aba pe ŕat sode ginde aj o resultato po alojimos.

Anda jekh data kana thon avri o resultato pe svako distrikto vi anda jekh data šaj dikhen svako manuš aj e media o resultato pe Valmyndighetens webbrig.

Kana ginde gata thon von le rama ande jekh specialno gono kaj si vorta phanglo aj inkeren godo kaj alojimaski grupa. E alojimaski grupa si len obligatcija le rama kaj alonde ande le alojimaski sala si tradine kaj Kher regionosko.