Till startsidan

Alojimaske raj, Valmyndigheter

Alojimaske raj, Valmyndigheten si len obligatcija te laśaren aj te keren sar te avel o alojimos aj sar te keren te alon sa le manuš pe antrego them. Valmyndigheten bararen aj laśaren o IT-ažutimos kaj sa le bućarne pe alojimasko administratcija.

Valmyndigheten laśaren pe kaste šaj alon, alojimaske rama aj kaver material kaj trubol kaj alojimos. Pala o alojimos hulavel o Valmyndigheten o mandato maškar le partiori aj dikhen save manuš nirinde aj si alonde kaj riksdags alojimos aj kaj Europako parlamento.

Kher regionosko si regionoska alojimaske raj. Kher regionosko dikhen vi po alojimasko distrikto, von si kaj ginen sode manuš alonde aj phenen o reslutato kaj komunako- aj regionoske šerotne.

Alojimaski grupa ande svako komuna si jekh lokalno alojimaske raj. Alojimaske grupa dikhen sode šaj źan te alon, dikehn te avel laśe alojimaske sala ande komuna aj si len antrego obligiatcija pe sa le manuš kaj alon angla e vrmaja. Alojimaski grupa phenen vi anglunes sode manuš alonde pe ŕat o alojimos, vi pe tetradžine pala o alojimos. E komuna pušinen sa le košti kaj godola manuš kaj keren lenge bući aj sa le alojimaske sala.

Valprövningsnämnden purončin pe sa le manuš kaj mangen te važin. E grupa si efta šerotne, o baro šerotno mušaj te avel vaj te sas krisintori aj naj slobodo te avel šerotno ando riksdagen. O foro alon avri kon šaj avel ande grupa.