Te des chiro glaso

Po kurko o 11 september 2022 si o alomos kaj o riksdag, kommunako- aj o regionfullmäktige.

Kon voja te del pesko glaso?

Te avel tut pravo te des chiro glaso musaj te pherdzjilan 18 berch jipun o alomasko dzjes. Le ramomata ando folkbokföringsregistro 30 dzjes angla le alomasko dzjes sikavel chi si tut pravo te des chiro glaso aj ande che alomasko distrikto peres.

Si tu pravo te des chiro glaso po riksdagen chi san:

  • shweditsko medborgare aj san vaj sanas ramome ando Shwedo.

Si tu pravo te des chiro glaso po kommunako- aj regionsfullmäktige chi san:

  • shweditsko medborgare aj san ramome ando Shwedo
  • medborgare ande varisosko anda Europeisko uniunake thema vaj medborgare ando Island vaj Norwego aj san ramome ando Shwedo
  • san medborgare ando varisosko kaver them aj sanas ramome ando Shwedo trin bersh pala jek jekeste angla alomasko dzjes.

Tut kaj si pravo te des chiro glaso das jek glasoski ram

Tut kas si pravo te des chiro glaso tradas tuke jek glasoski ram kadja trin kurke angla alomos. Pe alomaski ram ramolpe so shaj alos chire glasosa thaj anav, adresso aj che thjaso shaj dzjas pe chire alomasko lukalo. Te na naj tu chiri alomaski ram shaj zamuvis jek njevi kaj e kommuna vaj ka Valmyndigheten.

Alomaske rama

Le alomaske rama si galbeni po alomos ka riksdagen, parne po alomos ka kommunfullmäktige aj vuneta po alomos ka regionfullmäktige. Alomaske rama si pe sa le thana kaj shaj des chiro glaso.

De chiro glaso pe partija

Tu des chiro glaso maj anglal pe jek partija. O anav la partijako ramolpe pe alomaski ram. Te na arakes chiro partijako anav shaj te ramos o anav la partijako pe jek uzi alomaski ram.

The chiro glaso pe jek kandidato

The kames te des chiro glaso pe varikaste anda partijake kandidatura, shaj thos jek semno ande felastritsa angla le kanditatosko anav pe kanditatongi alomasi ram. Biris ferik te thos o semno pe jek kandidato. Shaj vi te des chiro glaso pe jek kandidato te ramosa la partijako anav aj le kandidatosko anav pe jek uzi alomaski ram.

Katka shaj te mukhes chiro glaso

De chiro glaso ande chiro alomasko lukalo po alomasko dzjes 11 september

Tu ferik biris te des chiro glaso ande kodo alomasko lukalo kaj ramolpe pe chiri alomaski ram. O alomasko lukalo ferik putherdo si pe alomasko dzjes. Kana des chiro glaso ande chiro alomasko lukalo thas krestka pe chiro anav ande lila aj chire glasura kaj dan ando alomasko tcharo.

De chiro glaso de anglal ando alomasko lukalo ande chiri kommuna vaj ande kaver kommuna

Voja te des chiro glaso de anglal ande jek alomasko lukalo kaj godi ande intrego them. Te des o glaso de anglal lel pe kathar 24 augusti aj dzjal zji kaj o alomasko dzjes. Musaj te avel pasha tu chiri alomaski ram kana des chiro glaso de anglal. Informatsija pa kaj des chiro glaso de anglal arakes ka chiri kommuna vaj po val.se.

De chiro glaso anda kaver thema

Te san ande thema shaj te trades chiro glaso lilesa vaj te des chiro glaso de anglal ande but shweditska amassadi aj konsulati. Te trades chro glaso lilesa musaj te avel tut spetsialno materialo kaj zamuvis kathar o Valmyndigheten, kommuna, ambassada vaj konsulato. Chiro glaso voja te trades anda thema sar maj sigo de kathar 28 juli. Voja te des chiro glaso de anglal ande ambassadi aj konsulati sar maj sigo de kathar 18 augusti.

Musaj te sikaves ke tu san tu

Te des chiro glaso si te biris te sikaves chiri identitatsija kusa jek legitmatsijako materialo. Te na naj tut jek identimatisavoja jek kaver manush te del vorba anda tute, numa atunchi musaj kodo manush te sikavel jek identitatsija.

Te trubul tu azjutjimos te des chiro glaso

Te chiro glaso kavre manushesa

Voja te des chiro glaso kavre manushesa te na biris tu ke san nasvalo, sastjimasko pharipe vaj kasave bersh ke chi biris te dzjas ka chiro alomasko lukalo vaj kasavo lukalo te des chiro glaso de anglal. Shaj vi des chiro glaso kavre manushesa te si kadja ke beshes phandado ande themnica.

Chiro glaso voja des gata sar maj sigo kathar 18 augusti aj sar maj puzno po alomasko dzjes. Trubul tu jek manush kaj ingerel chiro glaso aj jek shjwatko. Vi e duj site pherdzjile 18 bershenge aj naj voja te avel vi kodo kaj ingerel chiro glaso aj o shjwatko sa kodo manush.

Trubul tu jek manush te ingerel chiro glaso - kon shaj avel kodo?

Kodo kaj ingerel chiro glaso si te avel maj tele 18 bershengo. Kadala manush voja te aven kodola kaj ingeren le glasura:

  • chiro njamo
  • manush kaj lel sama pala tute vaj varikon kaj azjutil tu chire personalni dzjelensta
  • manush kaj keren butchi ande temnica
  • poshtari kaj kerel buchi pe gava, kana tu beshes ando gav.

Te mukhes chiro glaso varikasa trubul tut jek spetsilano materialo kathar e kommuna vaj Valmyndigheten. Te mukhesa chiro glaso de anglal kavre manushesa trubul tut chiri alomaski ram.

Manush kaj avel tute aj lel chiro glaso

Manush kaj avel tute aj lel chiro glaso si tuke kaj sito nasvalimos, anda chire bersh vaj sastjimasko nasvalimos kaj kerel ke chi biris korkorro te djzas aj te mukhes chiro glaso de anglal vaj ande jek alomasko lukalo. Kana site avel tu manush kaj avel tute te lel chiro glaso, kerel chiri kommuna kadja te aven tute duj dzjene aj len chiro glaso. Le kontakto chira kommunasa te les maj but informatsija.

Other languages