Till startsidan

Válljimsiedilij biedjam

Belludagájda ma li oadtjum ienep gå avtav prosentav jienajs rijkkabiejvveválljimin de jiednaduostodiddje åvdåsvásstedi belludakválljimsiedilij biedjamis gájkka sajijn gånnå máhttá jienastit.

Fámon la goappátjagá rijkkabiejvveválljimij ja kommuvnna- ja lánndadiggeválljimij. Dá belludagá hähttuji vissá ájgen válljima åvddåla ietja ádnot válljimsiedila galggi biejaduvvat.

Válljimin kommuvnna- ja lánndadiggefábmoduvvamij li belludagájn ma li åvdåstum riektá oadtjot belludaksiedilijt biejadum válljimlanjájn ja jienastimlánjájn kommuvnan ja lánndadikken. Jiednaduostudiddje biedji aj tjáladak válljimsieiljijt gájkka válljimijda gájkka sajijda gånnå máhttá jienastit. Nammaválljimsiedilijt gis belludagá ietja oadtju biedjat.

Válljimin Europaparlamänntaj válljimtjuottudus åvdåsvásstet nammaválljimsiedilij biedjamis gájkka sajijda gånnå máhttá jienstit, jus belludagán la val akta nammaválljimsiedil mij la fámon ålles rijkkaj ja oattjoj jienajs binnemusát avtav prosentav maŋemus válljimin Europaparlamänntaj. Dá belludagá hähttuji mierredum ájgen válljima åvddåla ietja adnot válljimsiedila galggi biejaduvvat.