Till startsidan

Válljimsiedilij árvustallam

Fámogis jiena val oassálassti mandáhttajuogadimen.

Lenastivrra árvustallá válljimlágas makkir válljimsiedila li fámogisá ja fámodisá ja riekkni jienaj lågov juohkka belludahkaj. Sämmi gähttjam dagáduvvá almasjjienajda, ja fámogis almasjjiena riekkniduvvi.

Fámogis válljimsiedila

Válljimsiedil la fámogis jus sisanet belludaknamádisáv belludahkaj mij la diededam oassálasstá válljimin. Máhttá årrot prienntidum nammaválljimsiedil, belludakválljimsiedil jali tjálak válljimsiedil masi válljijiddje l tjállám belludahknamáv.

Almasjjiedna riekkniduvvá

Duolla almasjjiedna máhttá årrot juogu de ruossa kandidáhta åvdån nammaválljimsiedilin jali tjáledum namma válljimsiedilin belludahkaj mij ij la ietjas kandidáhtajt diededam. Tjáledum la válljimsiedilin gåktu válljijiddje máhttá almasjjienastit.

Fámodis válljimsiedila

Válljimsiedil la fámodis jus:

  • belludaknamádis fájllu,
  • danna l ienep gå akta belludaknamádis (bv. jus li guokta jali ienep valljimsiedila sämmi kuveran ja dajn li moadda belludaknamádisá) jali,
  • danna l belludaknamádis belludahkaj mij ij la diededam oassálasstemav válljimin, jali
  • danna l dåbddomerka mij la dagáduvvam ájggomusájn.

Válljimsiedila majn belludaknamádus fájlluji gåhtjoduvvi aj tjálek jiednan ja li dábálamos fámodis jienaj tjärdda. Tjálek jienaj låhko vuoseduvvá sierralakkoj ietjá fámodis jienajs. Fámodis válljimsiedila e riekkniduvá mandáhttajuogadimen.

E aktak kandidáhttanamá riekkniduvá

Lenastivrra mierredum bále ij galggá riekknit gájkka kandidáhttanamájt válljimsiedilin, bv. jus:

  • válljijiddje l ruossim guovte jali moadda kandidáhta
  • gávnnuji moadda válljimsiedila sämmi kuvertan sämmi belludaknamádisáj valla moadda kandidáhttalistaj, jali ruossa moatte kandidáhtaj,
  • belludahkaj la aneduvvam válljimsiedil mij la ájgodum ietjá rijkkabiejvve- válljimgävlláj/kommuvnnaj/lanndadiggáj.