Till startsidan

Mandáhttajuogadibme

Gå Lenastivrra l ållim gájkka jienajt riekknit de
mandáhttajuogadibme belludagáj gaskan álggá.

Ráje belludagájda

Oassálastátjit mandáhttajuogadibmáj rijkkabiejvveválljimin ja válljimin Europaparlamänntaj de belludahka hähttu oadtjot fámogis jienaj lågos binnemusát niellja prosenta ålles rijkan. Jus belludahka rijkkabiejvveválljimin la oadtjum binnemusát lågenanguokta prosenta jienajs válljimgievlen de belludahka oadtju oassálasstet stuoves mandáhtaj juogadimen dan válljimgievlen.

Lánndadiggefábmoduvvamválljimin belludahka hähttu oadtjot fámogis jienajs binnemusát gålmmå prosenta ålles lánndadikken oassálastátjit mandáhttajuogadimen. Kommuvnnafábmoduvvamválljimin belludahka hähttu oadtjot 3 prosenta válljimgievllejuogadim kommuvnajda ja 2 prosenta kommuvnajda ma älla válljimgievllejuogadum oassálastátjit mandáhttajuogadimen.

Mandáhttajuogadibme belludagáj gaskan

Vuostak juogaduvvi stuoves mandáhta ja de hiebadimmandáhta. Stuoves mandáhta juogaduvvi vuododum jienajs majt belludagá li oadtjum juohkka válljimgievlen.

 

Riekknimtjärdda mij aneduvvá juogadittjat stuoves mandáhtajt gåhtjudallá ”duollidum belaklåhkotjärdda”.

Válljim Europaparlámänntaj

Válljimin Europaparlamänntaj li gájkka mandáhta stuovvása ja ålles rijkka l válljimgievlle.