Publicerad: 18 February 2020

Jienastit ietjat válljimlanján válljimbiejve

Jienastimkårtån la tjáledum makkir válljimdajvaj gullu, válljimlanjá namma, adrässa ja rabásájge. Máhtá val jienastit válljimlanján mij la tjáledum jienastimkårtån.

Jus dån i máhte jienastit ietjat válljimlanján de jienasta lanján åvddålájgejienastibmáj mij la rabás válljimbiejve.

Dån hähttu ietjat identitehtav duodastit

Jienastittjat dån hähttu ietjat identitehtav duodastit. Jus jiednadostudiddje e duv dåbdå de hähttu duodastuskårtåv bv. vuodjemkårtåv jali pássav vuosedit.

Jus dujna illa duodastuskårttå de ietjá ulmusj máhttá duv identitehtav duodastit ja de ulmusj hähttu duodastuskårtåv vuosedit.

Návti jienasta válljimbiejve válljimin rijkkabäjvváj, kommuvnna- ja lánndadiggáj

1. Vállji válljimsiedilijt

2. Válde válljimkuverav.

3. Maná válljimsjerma duohkáj ja gárveda ietjat jienav. Ruossi kandidáhttaj válljimsiedilin jus sidá sierra ulmutjij jenastit.

4. Guode ietjat válljimkuverajt ja duv duodastuskårtåv jiednaduostudiddjáj..

5. Jiednaduostudiddje gehtjat duv identitehtav, mierkki jienastimlågon dån la jienastam ja biedjá maŋemusát válljimkuverajt válljimlihtijda.

Jus dån i gávna belludagá válljimsiedilav masi ájgo jienastit?

Válde guoros válljimsiedilav ja tjále belludagá namáv dasi.

Máhtá aj sierra ulmutjij jienastit gå tjálá belludagá namáv ja kandidáhta namáv masi sidá jienastit. Jus dujna l belludakválljimsiedil de tjále kandidáhta namáv dasi.

Návti jienasta válljimbiejve válljimin Europaparlámänntaj

  1. Vállji válljimsiedilav.
  2. Válde váljjimkuverav.
  3. Maná válljimsjerma duohkáj ja gárvvi ietjat jienav. Ruossi kandidáhttaj válljimsiedilin jus sidá sierra ulmutjij jienastit.
  4. Guode ietjat válljimkuverav ja ietjat duodastuskårtåv jiednaduostudiddjáj.
  5. Jiednaduostudiddje gehtjat duv identitehtav, mierkki jienastimågon dån la jienastam ja biedjá maŋemusát válljimkuverav válljimlihttáj.

Jus dån i gávna belludagá válljimsiedilav masi ájgo jienastit?

Válde guoros válljimsiedilav ja tjále belludagá namáv dasi.

Máhtá aj sierra ulmutjij jienastit gå tjálá belludaknamáv ja namáv kandidáhttaj masi sidá jienastit.

Bieja dan maŋŋela válljimsiedilav válljimkuveraj ja måskosta dav.

Other languages