Till startsidan

Jienastit válljimbiejve ietjat jienastimlanján

Juohkka válljimdajvan gávnnu válljimladnja.

Válljijiddje máhtti válljimbiejve jienastit válljimlanján dajvan gånnå gávnnuji jienastim. Makkir ladnja l vuojnnu jienastimkårtås. Válljimlanjá galggi årrot ålediddje ulmutjijda sáhtusvuodajn. Jus válljijiddje sáhtusvuoda diehti huoman ij besa válljimladnjaj, de jiednaduostudiddje máhttá viedtjat jienav válljimlanjá ålggolin.

Válljimlanjá álu li rahppot kl. 08.00-20.00 (válljimin Europaparlamänntaj gitta kl. 21.00). Válljimsiebrreráde máhttá rádedime milta lenastivrrajn mierredit oanep rahpamájgijt.

Válljimsiebrreráde juohkka kommuvnan mierret makkir lanjá buoremusát hiehpi. Valljimsiebrreráde nammat vil binnemusát niellja ulmutja jiednaduostudiddjen juohkka válljimlanján. Válljimlanján hähttuji binnemusát gålmmå jiednaduostudiddje sadjihin sämmibále gå válljijiddje jienasti.