Till startsidan

Jienastimriektá

Jienstimriektá válljimin rijkkabäjvváj ja Europaparlamänntaj la svieriga viesájdiddjijn gudi ålliji 18 jage maŋemusát válljimbiejve ja gudi li jali nágin bále li årrum álmmuktjáledum Svierigin.

Jienastimriektá válljimin Europaparlamänntaj la aj viesájdiddjen Europa unijåvnå nagin sebrulasjstáhtajn (unijåvnnåviesájdiddje) gut ålli 18 jage maŋemusát válljimbiejve. Åvddålbiejadus la sij li álmmuktjáledum Svierigin maŋemusát 30 biejve válljima åvddåla ja li ietjasa diededam jienastimlåhkuj. E de oattjo jienastit ietjá sebrulasjstáhtan.

Jienastimriektá válljimin kommuvnna- ja lánndadiggefábmoduvvamij li svieriga viesájdiddjijn gudi 18 jage ålliji maŋemusát válljimviejve ja li álmmuktjáledum kommuvnan ja lánndadikken. Unijåvnnåviesájdiddjijn ja viesájdiddjijn Islándan ja Vuonan la aj jienastimriektá sämmi åvddålbiejadusáj milta. Ietjá ålggorijkak viesájdiddjijn la jienastimriektá jus li årrum álmmuktjáledum Svierigin gålmmå jage maŋŋálakkoj válljimbiejve åvddåla.

Diedo Värrofábmudagá álmmuktjáledimregisstarin 30 biejve válljimbiejve åvddåla mierredi gänna l riektá jienastit ja gånnå. Mierkki válljijiddje gudi årru Svierigin tjáleduvvi jienastimriektájn válljimdajvan gånnå lidjin álmmuktjáledum 30 biejve válljimbiejve åvddåla. Jienastimåhko vuododuvvá juohkka válljimdajvvaj ja aneduvvá válljimlanjájn.