Till startsidan

Publicerad: 22 augusti 2018

Jiednariekknim válljimiján

Maŋŋel gå jiednaduosstom la hiejtedum válljimbiejve, de jiednaduostudiddje juohkka válljimdajvan galggi riekknit duostodum jienajt.

Åvddål gå jiednariekknim oadtju álgget de dåhkkidum åvddålájgejiena biejaduvvi guhtik valljimlihttáj.

Dan maŋŋela lihte duobbmiduvvi ja jiena juohkka válljimin riekkniduvvi. Jiena riekkniduvvi ja tjuoldeduvvi belludahkaj. Válljimin rijkkabäjvváj, kommuvnna- ja lánndadiggefábmoduvvamij de rijkkabiejvveválljim vuostak riekkniduvvá, de kommuvnnafábmoduvvamválljim ja maŋemusát lánndadiggefábmoduvvamválljim.

Gå válljimdajvva válljimiehkeda la jienajt riekknim de båhtusijt riŋŋgiji diehtoduostudiddjáj gut båhtusijt registart Válljimfábmudagá válljimdáhtavuogádagán. Válljimfábmudahka nåvti máhttá juo válljimiehkeda riekknit gasskabåddåsasj válljimbåhtusav.

Sämmibále gå båhtusa válljimdajvajda registarduvvi de dalága dagáduvvi ålediddje mediaj ja álmmugij Válljimfábmudagá webbabielen.

Gå riekknim la hiejtedum de válljimsiedila biejaduvvi sierralágasj sihkarvuohtavuossajda ma sinidahteduvvi ja vatteduvvi válljimsebrudahkaj. Válljimsebrudahka åvdåsvásstádusav adná jienajs válljimlanjájs ruvva máhttelis doalvoduvvi lenastivrraj.