Till startsidan

Válgaeiseválddit

Válgaeiseválddis lea ovddasvástádus plánet ja ovttastahttit válggaid ja riikaviidosaš álbmotjienastemiid čađaheami.

Válgaeiseváldi ovddida ja doalaha maid IT-doarjaga olles válgahálddahussii.

Válgaeiseváldi buktá ovdan jienastanloguid, jienastangoarttaid, válgasedeliid ja iežá válgamateriála.Válggaid maŋŋel Válgaeiseváldi juohká mandáhtaid bellodagaid gaskkan ja mearrida mat lahtut ja sadjásaččat leat válljejuvvon riikabeaiveválggain ja válggain Eurohpá-parlamentii.

Leanastivra lea guovluigullevaš válgaeiseváldi. Leanastivra mearrida válgaguovlluid, vástida loahpalaš jienarehkenastimis buot válggain ja nanostuhttá gieldda- ja eanandiggestivraválggaid bohtosa.

Válgalávdegoddi juohke gielddas lea báikkálaš válgaeiseváldi. Válgalávdegoddi nammada jienavuostáiváldiid, bearráigeahččá vai gávdnojit jienastanlanjat gielddas ja lea olles ovddasvástádus ovdagihtiijienasteamis doppe. Válgalávdegoddi vástida maid gaskaboddasaš jienaid rehkenastimis válgaeahkeda, ja oassái gaskavahku vahku maŋŋil válgabeaivvi. Gielddas lea ovddasvástádus jienaidvuostáiváldima ja válgalanjaid goluin.

Válgageahččalanlávdegoddi čoavdá mearrádusaid mat leat váidaluvvon. Lávdegottis leat čieža lahtu. Ságadoalli galgá leahkit dehe leamaš fásta duopmár iige seamma áigge oaččo leat riikabeaivelahttu. Riikabeaivvit nammada lahtuid.