Till startsidan

Jienastit ovdagihtii

Válgalávdegottis lea maid ovddasvástádus ovdagihtiijienasteamis gielddas.

Jienastanlanjat

Latnja gos jienasteaddjit sáhttet ovdagihtii jienastit gohččoduvvo jienastanlatnjan.Válgalávdegottis lea ovddasvástádus ordnet jienavuostáiváldiid jienastanlanjain. Visot jienastanlanjat galget leat rabas doaibmahehttejun olbmuide

Jienasteaddjit geat soames ákka dihte eai sáhte jienastit iežas válgalanjas válgabeaivvi sáhttet jienastit ovdagihtii jienastanlanjas váikko gos riikkas. Ovdagihtiijienasteapmi álgá 18 beaivvi ovdal jienastanbeaivvi ja lea jođus gitta válgabeaivái. Lasse bálvalus jienasteddjiide gávdno vel jienastanlatnja juohke gielddas mii lea rabas válgabeaivvinai.

Muhtin buohcceviesuin ja iežá dikšoásahusain válgalávdegoddi ráhkada jienavuostáiváldima dáidda geat háliidit jienastit das, omd. pasieanttat, bargit ja guossit.

Ovdagihtiijienasteamis jienavuostáiváldit váldet jienaid ja sáddejit daid sierra lásekuvearttain válgalávdegoddái. Dan guhte jienasta jienastanlanjas ferte atnit jienastangoartta vai sáhttá vuosehit ID-duođaštusa dehe iežá láhkái duođaštit iežas identitehta.