Published: 9 March 2020

Jienastit iežat válgalanjas válgabeaivvi

Jienastangoarttas oidno man válgaguvlui don gullot, válgalanja namma, čujuhus ja rabasáiggit.

Du sáhtát beare jienastit dan válgalanjas mii oidno du jienastangoarttas.

Jus it sáhte jienastit iežat válgalanjas sáhtát jienastit ovdagihtii jienastanlanjas mii lea rabas válgabeaivvi.

Don fertet duođaštit identitehtat

Don fertet bastit duođaštit identitehtat vai beasat jienastit. Jus jienaidvuostáváldit eai dovdda du fertet čájehit id-duođaštusa omd. vuodjengoartta dehe pássa.

Jus dus ii leat id-duođaštus soamis eará sáhttá duođaštit du identitehta ja dalle dat olmmoš ferte čájehit id-duođaštusas.

Ná jienastat válgabeaivvi riikkabeaivve, gieldda- ja eanadiggeválggain

  1. Vállje válgalihpuid.
  2. Váldde válgakonfeluhta.
  3. Mana válgašearpma duohkái ja ordne iežat jiena. Bija ruossa evttohassii válgalihpus jus háliidat persovdnajienastit.
  4. Guođe iežat válgakonfeluhtaid ja iežat id-duođaštusa jienaidvuostáváldái.
  5. Jienaidvuostáváldi dárkkista du identitehta, merke jienastanlohkui ahte leat jienastan ja bidjá loahpas válgakonfeluhta válgaurtnaide.

Jus it gávnna iežat bellodaga válgalihpu?

Váldde guoros válgalihpu ja čále bellodaga nama dasa. Don sáhtát maid persovdnajienastit čállimiin bellodatnama

ja dan evttohasa nama gean háliidat jienastit. Jus dus lea bellodatválgalihpu sáhtát čállit evttohasa nama dasa. Bija dasto válgalihpu gullevaš válgakonfeluhttii ja gidde válgakonfeluhta.

Ná jienastat válgabeaivvi Eurohpá parlameanta válggain

  1. Vállje válgalihpu.
  2. Váldde válgakonfeluhta.
  3. Mana válgašearpma duohkái ja ordne iežat jiena. Bija ruossa evttohassii válgalihpus jus háliidat persovdnajienastit.
  4. Guođe iežat válgakonfeluhtaid ja iežat id-duođaštusa jienaidvuostáváldái.
  5. Jienaidvuostáváldi dárkkista du identitehta, merke jienastanlohkui ahte leat jienastan ja bidjá loahpas válgakonfeluhta válgaurtnaide.

Jus it gávnna iežat bellodaga válgalihpu?

Váldde guoros válgalihpu ja čále bellodaga nama dasa.

Don sáhtát maid persovdnajienastit čállimiin bellodatnama ja dan evttohasa nama gean háliidat jienastit. Bija dasto válgalihpu gullevaš válgakonfeluhttii ja gidde válgakonfeluhta.

Other languages