Publicerad: 9 March 2020

Jienastit áirasiin

Jienastit áirasiin mearkkaša ahte soamis eará go don ieš válddát jiena mielde du válgalatnjii dehe ovdagihtii jienastanlatnjii.

Dus gii háliidat áirrasjienastit ferte leat sierra áirrasjienastanmateriála. Materiála don sáhtát diŋgot válgaeiseválddis, gielddas dehe leanastivrras.

Don sáhtát jienastit áirasiin čuovvovaš ákkain

  • alla ahki
  • skibasvuohta
  • doaibmahehttejupmi
  • váldon fáŋgalii dehe vearredahkudikšunlágádussii
  • orut dehe leat dálonreivveguoddilinjjá nalde ja dalle áirrasjienastat dálonreivveguoddi vehkiin.

Olbmot geat sáhttet leat áirasat

  • du isit, eamit dehe ovttasorru
  • du, boatnji, eamida dehe ovttasorru mánát, mánáidmánát, váhnemat dehe oappážat
  • dat gii ámmátlaččat dehe seamme sullasaš vugiin addá dutnje divššu dehe sii geat muđui lávejit veahkehit du persovnnalaš dárbbuin
  • dálonreivveguoddi
  • fáŋgala dehe vearredahkudikšunlágádus bargi.

Jus it dovdda geange gii sáhttá leat áirras dutnje, du gielda sáhttá ordnet jienavuostáváldi gii boahtá ruoktot du lusa. Váldde aktavuođa iežat gielddain.

Other languages