Till startsidan

Jienasteapmi olgoriikkas

Buot geat leat olgoriikkas jienasteami áiggi sáhttet jienastit olgoriikkaeiseválddiin gos lágidit jienaid vuostáiváldima.

Jienasteapmi olgoriikaeiseválddiin

Válgaeiseváldi mearrida, evttohusa Olgoriikadepartemeantta evttohusa jelgii, main ruoŧelaš olgoriikaeiseváldiin galga leahkit jienaidvuostáiváldin. Jienasteapmi álgá 24 beaivvi ovdal válgabeaivvi ja muhtin sajiin bistá beare oanehis áiggi. Jienasteapmi ferte botkejuvvot buori áiggi ovdal válggaid vai jienat ollejijit Válgaeiseváldái maŋemus beaivvi ovdal válgabeaivvi. Buot jienat olgoriikkaeiseválddiin sáddejuvvojit Válgaeiseváldái mii sirre daid ja sádde daid iešguđet válgalávdegoddái.

Reivejienasteapmi olgoriikkas

Sii geat leat jienastandohkálaččat ja leat olgoriikkas sáhttet reivve bokte jienastit váikko man riikkas de leat. Mearraolbmát olgoriikafatnasiin sáhttet maid jienastit reivviin. Reivejienaid oažžu sáddet olgoriikkas áramusat 45 beaivvi ovdal válgabeaivvi. Reivejiena ii oaččo sáddet Ruoŧas.

Dárbbaha erenoamáš materiálaid reivejienasteapmái. Materiála sáhttá diŋgojuvvot Válgaeiseválddis dehe olgoriikaeiseválddis. Reivejienat galget sáddejuvvot olgoriikkas ja galget ollen áiggil jienaidlohkamii.