Till startsidan

Jienastanlohku

Jus galgá oažžut jienastit ferte leat mielde jienastanlogus.

Jienastanlogut ráhkaduvvojit ovdal juohke válgga ja sisdollet dušše daid olbmuid geain lea jienastanriekti áigeguovdilis válggas. Jienastanlohku ráhkaduvvo juohke válgaguvlui ja geavahuvvo válgalanjain.

Sii geat oaivvildit ahte jienastanlogus leat boasto dieđut sis fertejit čálalaččat gáibidit dieđuid rievdadeami. Gáibádus galgá boahtán leanastivrii maŋemusat 12 beaivvi ovdal válgabeaivvi.

Ruoŧa orrut geat johte olgoriikii (olgoriikkaruoŧŧelaččat) váldojuvvot mielde jienastanlohkui jus sii leat johttán daid maŋemus logi jagiid dehe jus maŋemusat 30 beaivvi ovdal válgabeaivvi leat ilmmuhan Vearrodoaimmahahkii ahte háliidit váldot mielde jienastanlohkui. Ilmmuhus dahkko sáddemiin čujuhusdieđuid Vearrodoaimmahahkii. Gávdno erenoamáš skovvi olgoriikaruoŧŧelaččaide geat háliidit ilmmuhit iežaset jienastanlohkui.