Till startsidan

Veeljemesïetelh buektedh

Dah krirrieh mah åådtjeme jienebe enn akte proseente tjaatsestimmijste rïjhkebiejjieveeljemisnie dellie tjaatsestimmiedåastoji dïedte krirrieveeljemesïetelh buektieh gaajhkene lehkesne gusnie maahta tjaatsestidh.

Dïhte seamma dovne rïjhkebiejjieveeljemisnie jïh tjïelte- jïh laantedigkieveeljeminie. Dah krirrieh tjuerieh sjïere tïjje veeljemen åvteli jïjtje krïevedh dah dejtie edtjieh veeljemesïetelidie buektedh.

Veeljemisnie tjïelte- jïh laantedigkiereeremidie krirrieh mah representeereme reaktam utnieh krirrieveeljemesïetelh veeljemesijjide jïh tjaatsestimmiesijjide tjïeltesne respektijve laantedigkesne buekteme. Tjaatsestimmiedåastojh aaj gåaroes veeljemesïetelh buektieh gaajhkine veeljeminie gusnie maahta tjaatsestidh. Nommeveeljemesïetelidie krirrieh jïjtje åadtjoeh buektedh.

Veeljemisnie Europa-parlameentese veeljemereeremen dïedtem åtna nommeveeljemesïetelidie buakta gaajhkene lehkesne gusnie åådtje tjaatsestidh, jis krirrie ajve akte nommeveeljemesïetelem åtna mij abpe laantesne seamma faamoem åtna jïh unnemes akte proseentem tjaatsestimmijste seejnemes veeljemisnie Europa-parlameentese åadtjoeji. Dah krirrieh tjuerieh sjïere tïjje veeljemen åvteli jïjtje krïevedh dejtie veeljemesïetelidie edtjieh buektedh.