Publicerad: 11 March 2020

Mandaate joekedimmie

Gosse gaajhkh tjaatsestimmieh ryökneme mandaatejoekedimmiem krirriej gaskem joekedidh.

Dan mænngan vihteste mah kandidaath mah lïhtsegh sjidtieh. Lïhtsegh voestes ierese nammohte persovnekroessi mietie.

Gosse eah naan vielie kandidaath maehtieh nammoehtidh persovnekroessi mietie dellie dah sijjieh mah aajmene dan öörnegen mietie guktie kandidaath veeljemesïetelinie tjaaleme.

Rïjhkebiejjie

Guktie meatan åadtjoeh mandaatejoekedimmesne årrodh

rïjhkebiejjieveeljemisnie tjuara krirrie unnemes njieljie proseenth tjaatsestimmielåhkoste åadtjodh abpe laantesne. Mohte jis krirrie veeljemisnie åådtjeme unnemes luhkiegöökte

proseenth tjaatsestimmijste veeljemegievlesne krirrie åådtje meatan årrodh joekedimmesne dehtie tjïrkes mandaatijste dennie veeljemegievlesne.

Ellies edtja 349 mandaath joekedidh, dejstie leah 310 tjïrkes jïh 39 jalkedimmiemandaath. Jalkedimmiemandaath gelkieh darjodh dan soe proporsjovnellen joekedimmiem mandaatijste guktie gåarede.

Guktie kandidaate edtja maehtedh veeljesovveme persovnetjaatsestimmiejgujmie rïjhkebeajjan edtja kandidaate åådtjeme persovnekroesside unnemes 5 proseentijste krirrien veeljemesïetelinie veeljemegievlesne.

Tjïelte- jïh laantedigkiereeremh

Veeljemisnie laantedigkiereeremasse mandaatide joekedidh dej krirriej gaskem mah unnemes golme proseenth tjaatsestimmijste abpe laantedigkesne.
Joekedimmesne mandaatijste tjïeltereeremasse tjuara krirrie åådtjeme unnemes 3 proseenth tjaatsestimmijste tjïeltine mah veeljemegievlide juakeme jïh 2 proseenth tjïeltine mah eah leah veeljemegievlide juakeme.

Guktie kandidaate edtja maehtedh veeljesovveme persovnetjaatsestimmiejgujmie tjïelte- jallh laantedigkiereeremidie edtja kandidaate åådtjeme persovnekroesside unnemes 5 proseentijste krirrien veeljemesïetelinie veeljemegievlesne, mohte unnemes 100 veeljemisnie laantedigkiereeremasse jïh 50 veeljemisnie tjïeltereeremasse.

Europa-parlameente

Ajve dah krirrieh gïeh leah åådtjeme unnemes njieljie proseenth tjaatsestimmijste abpe laantesne åadtjoeh meatan årrodh mandaatejoekedimmesne Europa-parlameentese.

Parlameente åtna jeenjemes 751 mandaath jïh mandaatelåhkoen våarome lea fïerhten lïhtsegelaanten årrojestuaradahke. Jis vuesiehtimmien gaavhtan Sveerje åtna 20 mandaath Europa-parlameentesne jïh akte krirrie åådtje 10 proseenth tjaatsestimmijste veeljemisnie, byöroe krirrie aaj åadtjodh 10 proseenth mandaatijste, dïhte sæjhta jiehtedh 2 mandaath.

Guktie kandidaate edtja maehtedh veeljesovveme persovnetjaatsestimmiejgujmie Europa-parlameentese edtja kandidaate åådtjeme persovnekroesside unnemes 5 proseentijste krirrien veeljemesïetelinie abpe Sveerjesne. 

Other languages