Till startsidan

Veeljemebiejjiem dov veeljemesijjesne tjaatsestidh

Fïerhten veeljemedajvesne akte veeljemesijjie gååvnese.

Dah veeljijh maehtieh veeljemebiejjiem veeljemesijjesne tjaatsestidh dennie dajvesne gusnie dah tjaatsestimmielåhkosne tjaalasovveme. Mij sijjide tjaatsestimmiekåarhtesne tjåådtje. Veeljemesijjieh edtjieh aaj svihtjemeheaptose sjïehtedamme. Jis veeljije svihtjemeheaptoen gaavhtan ij maehtieh veeljemesæjjan tjaangedh, maehtieh tjaatsestimmiedåastojh tjaatsestimmiem veeljemesijjien ålkolen veedtjedh.

Veeljemesijjieh daamhtaj gaahpode ts. 08.00-20.00 (Veeljeme Europa-parlameentese ts. 21.00 raajan). Veeljememoenehtse maahta leeneståvroen ektesne nænnoestidh åeniehkåbpoe gaahpoetïjjem.

Veeljememoenehtse fïere guhte tjïeltesne nænnoste mah sijjieh bööremes dïsse sjiehtieh. Veeljememoenehtse aaj unnemes njieljie almetjh nommestahta gïeh tjaatsestimmiedåastojh fïere guhtene veeljemesijjesne. Veeljemesijjesne tjuerieh unnemes golme tjaatsestimmiedåastojh seamma tïjjesne årrodh gosse veeljijh tjaatsestieh.