Till startsidan

Publicerad: 28 augusti 2018

Tjaatsestimmieryökneme veeljemejïjjesne

Tjaatsestimmiedåastoven mænngan veeljemebiejjien edtjieh tjaatsestimmiedåastojh respektijveles veeljemedistriktesne dejtie tjaatsestimmide ryöknedh mejtie dåastoejin.

Åvteli tjaatsestimmieryöknemem maehtieh aelkedh dah jååhkesjamme åvtelhbodti tjaatsestimmieh veeljemegeegken sïjse biejieh.

Dan mænngan dah dejtie geegkide döömieh jïh dejtie tjaatsestimmide fïerhtene veeljeminie ryöknoeh. Dejtie tjaatsestimmide ryöknoeh jïh krirriej mietie veesmedehtieh. Veeljeminie rïjhkebeajjan, tjïelte- jïh laantedigkiereeremidie dellie rïjhkebiejjieveeljemem voestes ryöknoeh, dan mænngan tjïeltereeremeveeljemem jïh minngemes laantedigkiereeremeveeljemem.

Gosse veeljemedistrikte veeljeme-iehkeden tjaatsestimmide ryökneme dellie illedahkem reektesedåastojidie ringkie mah illedahkem Veeljemeåejvieladtjen veeljemedatasysteemese tjaalasuvvieh. Naemhtie maahta Veeljemeåejvieladtje joe veeljeme-iehkeden annjebodts veeljemeilledahkese ryöknedh.

Seamma aejkien goh illedahkide veeljemedistriktide tjaalasuvvieh medijah jïh almetjh maehtieh dejtie Veeeljemeåejvieladtjen webbesijjesne lohkedh.

Gosse ryökneminie riejries veeljemesïetelidie sjïere vihtiesvoetevoesside beaja mah geptjieh jïh veeljememoenehtsasse buakta. Veeljememoenehtsen dïedte tjaatsestimmide veeljemesijjijste dan varki goh gåarede leeneståvrose buakta.