Till startsidan

Tjaatsestimmiereakta

Tjaatsestimmiereaktam veeljemisnie rïjhkebeajjan jïh Europa-parlameentese sveerjen staateårrojh utnieh jis 18 jaepieh minngemes veeljemebiejjien illedh jïh leah jallh såemies aejkien orreme årroje Sveerjen almetjetjaalegisnie.

Tjaatsestimmiereakta veeljemisnie Europa-parlameentese aaj staateårrojh jeatjah Europan unijovnen lïhtsegestaatine (unijovneårrojh) utnieh gïeh 18 jaepieh minngemes veeljemebiejjien illedh. Tjuara Sveerjen almetjetjaalegisnie årrodh minngemes 30 biejjieh veeljemen åvteli jïh lea tjaatsestimmielåhkose nåålesamme. Dah eah åadtjoeh jeatjah lïhtsegelaantesne dellie tjaatsestidh.

Tjaatsestimmiereakta veeljemisnie tjïelte- jïh laantedigkiereeremidie sveerjen staateårrojh utnieh gïeh 18 jaepieh minngemes veeljemebiejjien illedh jïh lea tjïelten jïh laantedigkien almetjetjaalegisnie tjaalasovveme. Aaj unijovneårrojh jïh Nöörjen jïh Islaanten årrojh tjaatsestimmiereaktam utnieh seamma mieriedimmiej mietie. Jeatjah ålkoelaanten årrojh tjaatsestimmiereaktam utnieh jis Sveerjen almetjetjaalegisnie tjaalasovveme golme jaepine veeljemebiejjien åvteli.

Dah leah dah bïevnesh Skaehtievierhken almetjetjaalegisnie 30 biejjieh veeljemebiejjien åvteli mah nænnoestieh gie åådtje tjaatsestidh jïh gusnie. Dïhte sæjhta jiehtedh veeljijh Sveerjesne åadtjoeh tjaatsestidh dennie veeljemedistriktesne gusnie tjaalasovveme 30 biejjieh veeljemebiejjien åvteli.