Till startsidan

Krirrienommem tjaalasovvedh

Krirrienomme lea maam krirriem gohtje jïh maam krirrie sæjhta edtjedh veeljemesïetelidie tjaeledh.

 Krirrie ij daarpesjh sov krirrienommem tjaalasovvedh jis sæjhta veeljeme meatan årrodh. Krirrienommesne maahta aaj symbovlen årrodh. Krirrie maahta bïeljelidh jïh veeljemesïetelidie dængkodh bielelen tjaalasovveme krirrienommem utnedh.

Jis krirrienommem Veeljemeåejvieladtjesne tjaalasåvva dellie nommem vaarjele guktie ij jeatjah krirrie maehtieh dam utnedh.

Jis Veeljemeåejvieladtje edtja maehtedh krirrienommem tjaalasovvedh tjuerieh sjïere låhkoe veeljijste nåålesimmiem dåarjodh. Nomme ij åadtjoeh dan plearoeh jeatjah tjaalasovveme krirrienomme guktie dejtie aervede maahta lotnedidh. Aaj kreava krirrie vuesehte dej njoelkedassh jïh lea ståvroem veeljeme.

Nåålesimmie krirrienommem tjaalasovvemen bïjre edtja Veeljemeåejvieladtjese båateme eannan minngemes biejjien goevten askesne jis dïhte tjaalasovveme edtja faamoem utnedh veeljemisnie seamma jaepesne.

Jis krirrienommem veeljemisnie rïjhkebeajjan tjaalasovveme, dellie aaj veeljemisnie tjïelte- jïh laantedigkiereeremidie abpe laantesne tjaalasovveme jïh veeljemisnie Europa-parlameentese. Jis krirrienommem laantedigkiereeremasse tjaalasovveme, dellie seamma faamoem åtna veeljemisnie daennie laantedigkesne jïh veeljeminie tjïeltereeremidie dejnie tjïeltine mah daennie laantedigkesne. Tjaalasovveme veeljemisnie Europa-parlameentese ajve faamoem åtna veeljemisnie Europa-parlameentese.